१४९ वटा जातलाई मधेशीको रुपमा परिभाषित गर्न आयोगको सिफारिस

मधेशी आयोगले १४९ वटा जात र मुस्लिम-थारूलाई मधेशीको रुपमा परिभाषित गर्न आफ्नो वार्षिक प्रतिवेदन मार्फत राष्ट्रपति समक्ष सिफारिस गरेको छ ।  राष्ट्रपति कार्यालयमा पेश गरिएको आयोगको चौथो वार्षिक प्रतिवेदनमा १४९ वटा जात र २२०० भन्दा बढी थरहरुलाई मधेशीको रुपमा परिभाषित गर्न सिफारिस गरिएको छ  ।

जनकपुरको जानकी मन्दिर, सप्तरीको बलान बिहुल गाउँपालिकामा रहेको लक्ष्मीनारायण मन्दिर लाई विश्व सम्पदा सुचीमा सुचीकृत गर्न आयोगले सिफारिस गरेको छ ।

आयोगका अध्यक्ष डा. विजयकुमार दत्तले आयोगमा आएको उजुरी उपर आयोगले तुरुन्त प्रकृति हेरेर समाधान गर्नतर्फ लागेको र कतिपय उजुरीको अनुगमनमा  स्थानीय प्रहरी(प्रशासनलाई समाधान गर्न निर्देशन समेत दिएको बताए ।