राजु पाण्डेमाथि छानबिन गर्न समिति गठन

“राजु पाण्डेमाथि छानबिन गरी सत्यतथ्य पत्ता लगाउन समिति गठन गरिएको हो,” महानगरका एक उच्च अधिकारीले भने ।

काफ्ले महानगरका सहायक प्रवक्ता पनि हुन् । उनले समितिबारे अनौपचारिक जानकारी पाए पनि अहिलेसम्म चिठी नपाएको बताए ।

“समिति बन्यो भन्ने सुनेको छु । तर, म कहाँ चिठी आइपुगेको छैन । अन्य सदस्यको नामसहित चिठी आउला,” काफ्लेले भने ।

महानगर प्रहरी ऐन, २०८० को दफा ३९ को उपदफा ४ बमोजिम जाँचबुझ समिति गठन गरिएको प्रमुख प्रशासकीय अधिकृत निकट स्रोत बताउँछ ।

०८१ चैत २१ गते महानगरका प्रमुख प्रशासकीय अधिकृत गुरागाईंलाई कार्यालय प्रवेशमा रोक लगाउने प्रयास गरेपछि नगरप्रहरी प्रमुख पाण्डेलाई स्पष्टीकरण सोधिएको थियो । पाण्डेले बुझाएको स्पष्टीकरण चित्तबुझ्दो नरहेको भन्दै उनलाई ६ महिनाका लागि निलम्बन गरिएको छ ।