नोयडा ईन्टरनेश्नल युनिभर्सिटीले नेपालका विद्यार्थीहरुलाई विशेष छात्रवृति दिने : म्यानेजर मुकुल

वीरगंज । भारतको उत्तर प्रदेश ग्रेटर नोयडा गौतमबुद्ध नगर स्थित नोयडा ईन्टरनेश्नल युनिभर्सिटीका अन्तर्राष्ट्रिय भर्ना म्यानेजर मुकेश कुमार मुकुलले नेपालका विद्यार्थीहरुको लागि विशेष छात्रवृतिको व्यवस्था गरिएको बताए ।

बुधवार वीरगंजमा आयोजित पत्रकार सम्मेलनमा मुकुलले भारतको डिल्ली एनसिआरबाट एनएएसि ए प्लसको मान्यता प्राप्त यो युनिभर्सिटीमा नेपालबाट पढन जाने विद्यार्थीहरुलाई बिना कुनै शर्त राखी कोर्षमै ५० प्रतिशत छात्रवृति दिने बताए । ७५ ऐकडमा रहेको सो युनिभर्सिटीमा विद्यार्थीहरुलाई कुनै स्वास्थ्यमा समस्या भएमा ७५० बेडको सुविधा सम्पन्न अस्पताल समेत रहेको बताउदै म्यानेजर मुकुलले सो युनिभर्सिटीमा ६० भन्दा बढी देशका विद्यार्थीहरुले विभिन्न कोर्षहरु पढदै आएको बताए ।

नेपालबाट प्रत्येक वर्ष ४० देखि ५० विद्यार्थीहरु सो युनिभर्सिटीमा भर्ना भई पढदै आएकोमा अब जाने विद्यार्थीहरुलाई राम्रो सुविधा सहितको छात्रावास, पढाईको स्तर देखि लिएर सम्पूूर्ण सुविधाहरु स्तरिय रहेको दाबी गरे । सो युनिभर्सिटीमा बिटेक, एमटेक, डिप्लोमा, बिफार्मेसी, बिएसी एमएलटी, शिक्षा शास्त्र, व्यवस्थापन संकाय, नसिङ्ग, कम्प्यूटर साईन्स लगायतका कोषहरु पढाई हुने गरेको बताए ।

सोयुनिभर्सिटीले नेपालमा रहेको त्रिभुवन युनिभर्सिटी लगायतका युनिभर्सिटीहरु सँग समन्वयमा पढाउने भएकोले त्यहाँको सर्टिफिकेटहरु नेपालमा मान्य रहेको समेत मुकुलले बताए । सो युनिभर्सिटीमा पढेर पास हुने विद्यार्थीहरुलाई भारतको उत्कृष्ट अस्पताल, कम्पनिहरुमा जागिरको लागि सिफारिस गर्ने गरेको समेत मुकुलले बताए ।